ألقى الشّاعر الشّعبي الطّاهرإنبيخة أصيل غليسية هذه القصيدة الطّريفة حول علاقته بالسّوناد(مصلحة المياه) والسّتاغ(مصلحة الكهرباء) والحالة المزرية التّي وصل إليها وعدم قدرته على مجارات نسق الحياة الحديثة لينهزم راميا المنديل أمام سطوة الفاتورات ليقول
فدّينا من الفاتورات عشنا عالهات دفعنا ما يبـــــــــــني سرايــــــــــــــات
وراسك يا خيّ هبيت وحتّى جيبي هبي إنكون لاما بي تجيني بعض الفاتورات
*
نمشي نخلّصها ونجي نروّح نلقى لخرى جات تجي متاع السّتاغ ديمة مبيّعني في عناق
جاب برشة أوراق قالّي هذومه لمبيخات عملني فرّاق
قتله وسّعني نهرات أعطاني ديري عليّ غيّب نهرات
حافظني أني تقولش بينا بونتوات قالّي سي ليمخلّص عالضلمة ايبات
قالّي تخلّص ولاّ عليك الضّو يقص منحبّش حسّ
أطلعلي بالدّينارات قتله عندي كان النّص
*
قالّي برّى إشري شمعات
جاني منيحيس أنشوفه تقول شبحت أبليس زيّ اقطيطيس
فالح في رقي العرصات قتله تندير بريميس وقازه وتحلاو الرّكشات
الفايدة فاوضته وجي راقي للعرصة عرضته الحاصل ريّضته